Rispito.com

FIDJU DI FUNDINHO E NETO DI LOPPEH

Fundinho ku loppe
Netus di algadon ku strumu

Fidjus di Alfaiati
Alfaiati di no Moranssa
Moranssa garandi
Na squerda guirissia
Na dirita miskita
Bianda na wagadu na polon di kassa

Fundinho ku loppeh
Nhantchos di matu garandi
Na serbentia di no mama
Na koitadessa di kabantada di distinu

Fundinhu ku loppeh
Mon na mon pe na Mundu
Di Titi te Kumbanghor
Di Kobiana te Guiledji
Te na Kabantada di purmeru mon na Madina di Boe

Fundinho ku loppeh
Padiduris di dunus di sobradi
Padiduris di dunus di terra
Padiduris di fidjus di udju limpu
Padiduris di fidjus di um mama
Si lingua di purku
Pindradu na garganti kibinidu
Dipus de seh djorsson serkadu di tchon
Na matchundadi di fundinhus ku loppeh



Fidjus di fundinhu ku loppeh
Pudi trata suma lingua ku dindi
Pa mama suma mon ku fundinhu
Pa mama suma ku almas di baloba mama

Amin i fidju di fundinhu e neto di loppeh
Kuta papia Kriol i ku misti neniu
Nna neniu parenti : U lempu? Ba messeh? Alssoomah? Kassoumay? Torah sunkaa? …
Anta abo gora? Nna djubiu na vidrooooo!

Poupan parenti …
Kabu missan totonah!
Por: Adulai Djaló, um destacado quadro guineense (economista e professor) a viver em Montéal (Canada) durante vários anos, com muita experiência económica, politica e social.